BE.60 Logu no.236
MAROLOPOLOP HAMU, ALE

Ayat 1
Maroloolop hamu ale surusuruan
Puji ma Jesus na ro paturehon dalanan Tu surgo i
Di manisia sude Songon na dapot idaon.

Ayat 2
Marolopolop hamu angka ujung ni tano
Puji ma Jesus Tuhanta na ro sian surgo
Domu muse jolma pardosa sude Tu Debata na di surgo

Ayat 3
Tanda ma holong ni roha ni Tuhan Jahowa
Ai dipatupa na tau halongangan ni roha
AnakNa i Tubu di Betlehem i Lao paluahon pardosa

Ayat 4
Anak ni Tuhan Jahowa manjalo sibukta
Ise na tuk mangantusi pambaenNa di hita ?
Mungkap nuaeng Dalan tu surgo dibaen Asa girgir bongotanta

Ayat 5
Dohot do au, ale Tuhan ditatap rohaMu
Dohot tu ahu dilehon Ho hatuaonMu
Las rohangkon naeng ma pujionku tongtong Ho Sipangolu tondingku

Ayat 6
Raja na sangap na bolon huhut marmulia
Na gabe jolma humophop sude manisia
Ho do tongtong Ihuthononku dison Sai hutundalhon na roa

Ayat 7
Ale Immanuel tubu ma Ho di rohangku
Jalo ma i, ale Jesus, tongtong ingananMu
Topot au on Baen ma au sonang tongtong Jala sai gohi rohangku.

Ayat 8
Huhaholongi o Jesus, Ho alealengku
Jala goarMu na bolon tongtong pujionku
Jalo au on, Jala urupi tongtong Mangaradoti hataMu
